Almaniyaya ailə birləşməsi vizası ilə gəlmək üçün lazımlı prosedurlar
20. декабря 2022
Tərkibi
Azərbaycanın hüdudlarından kənarda milyonlarla azərbaycanlı soydaşlarımız yaşayır. Onların böyük qismi Azərbaycanla bağlarını qoruyub saxlayır. Məhz buna görə Avropada yaşayan azərbaycanlılar da adətən öz millətinin nümayəndəsi ilə nikaha girirlər. Son illər Almaniyada yaşayan azərbaycanlıların sayının artmağı davam edir. Bu səbəbdən Almaniyada yaşayan və Azərbaycanda nikah bağlamaq istəyən soydaşlarımızda ailə birləşməsi (vizanın rəsmiləşdirilməsi) ilə bağlı suallar yaranır. Bu yazımda bütün sualları bacardığım qədər cavablandırmağa çalışacam.
Nikahın bağlanılması
Nikaha daxil olmazdan öncə bir sıra zəruri məsələlərə diqqət yetirməyiniz önəmlidir. Belə ki, Azərbaycanda nikahın bağlanması ərizəni təqdim etdiyiniz gündən 1-2 ay çəkə bilir. Nikah üçün tələb olunan sənədlərlə bu linkdə tanış ola bilərsiniz.
Nikahı bağladıqdan sonra
Nikaha girdikdən sonra nikah şəhadətnaməsi ilə 5 saylı ASAN xidmətə (Bakı, Nizami rayonu Heydər Əliyev prospekti 115) müraciət edirsiniz. Orada nikah şəhadətnaməsinin leqallaşmasına müraciət edirsiniz (müəyyən rüsumu var). Paralel olaraq eyni zamanda Almaniyanın Azərbaycandakı səfirliyində sənədlərin leqallaşdırılması məqsədilə AFR-in Xarici İşlər Nazirliyinin saytı üzərindən termin götürürsünüz. Asan xidmətdə nikah şəhadətnaməsi leqallaşdıqdan sonra (müraciət etdiyiniz vaxtdan təxminən 10 gün çəkir) səfirlikdə təyin etdiyiniz termin günü aparıb orada yenidən leqallaşdırırsınız. Özünüzlə təxminən 30 Euro (29.91) manat şəklində nəğd formada götürüb səfirlikdə rüsum ödəməlisiniz. Prosedur təxminən 1 həftə çəkir.
Vizaya hazırlıq prosesi
Viza üçün 1-2 ay öncədən termin götürmək tövsiyə olunur. Bunun üçün də yuxarıda qeyd olunan nazirliyin saytı üzərindən termin götürə bilərsiniz. Termin günü getdiyiniz zaman bu pdf sənəddə sadalanan sənədlər təqdim olunmalıdır.
Vizaya müraciət etdikdən sonra
Siz sənədləri təqdim etdikdən sonra səfirlik ərizənizi elektron formada yoldaşınızın Almaniyada qeydiyyatda olduğu şəhərin Əcnəbilərin işi üzrə İdarəyə (Ausländerbehörde) təqdim edir. Bir müddət keçdikdən sonra (şəhərin və idarənin işləmə tezliyindən asılı olaraq proses 2-3 ay çəkə bilər) Almaniyadakı yoldaşınıza təqdim edəcəyi sənədlərin siyahısının məktubu göndərilir (elektron və ya poçt vasitəsilə). Zəruri olan bütün sənədləri təqdim etdikdən sonra sizə müsbət və ya mənfi və ya əlavə sənədlərin təqdim edilməsi haqqında cavab verilir. Cavab müsbət olarsa Bakıdakı səfirliyə bu barədə məlumat verilir və səfirlik sizinlə tez bir zamanda əlaqə saxlayır
Vizanın verilməsi
Səfirlik sizinlə əlaqə saxlayan zaman sizdən 90 günlük səyahət sığortası (covid daxil) və pasportunuzla səfirliyə gəlməyinizi bildirir.
Almaniyaya gəldikdən sonra atacağınız ilk addımlar
- Yaşadığınız ünvan üzrə qeydiyyat;
- əcnəbilərin işi üzrə idarədə vizanızın yaşayış icazəsi formasına keçirilməsi;
- tibbi sığorta ( yoldaşınızın sığortasına pulsuz keçə bilərsiniz);
- bank hesabının açılması.
Video
Больше на Masim💛vа
Subscribe to get the latest posts sent to your email.
