![Almaniyada kirayə mənzil tapmağın üsulları — Almaniyada kirayə evlər Almaniyada kirayə mənzil tapmağın üsulları — Almaniyada kirayə evlər](https://usercontent.one/wp/masimovasif.net/wp-content/uploads/2021/08/7AM_2137-scaled.jpg?media=1680643081)
Almaniyada kirayə mənzil tapmağın üsulları — Almaniyada kirayə evlər
1. сентября 2023 0 Автор Asif MasimovОглавление
Almaniyada mənzil kirayəsi sizə orada yaşayışla bərabər önəmli sənədlərin rəsmiləşdirilməsi üçün əsas aspekt hesab olunur. Belə ki, yaşadığınız şəhərdə qeydiyyata düşmək,yaşayış icazəsini alınması, bank hesabının açılması, tibbi sığorta, vergi identifikasiya nömrəsinin alınması bir başa yaşadığınız mənzildən asılıdır.
Almaniyada necə mənzil tapmaq olar?
Almaniyada mənzil tapmağın ən sürətli və ən təsirli yolu internet tətbiqetmələri vasitəsilə axtarışdır. Ən böyük onlayn mənzil axtarış platforması Immobilienscout24-dür, lakin başqaları da var. Hər halda, meyarlarınızı — otaqların sayını, məhəlləni, büdcəni və s. təyin edə və onlara uyğun mənzillər arasında seçim edə bilərsiniz. Mənzil xoşunuza gəldi? Baxış üçün qeydiyyatdan keçin, növbəniz gələndə mənzili içəridən yoxlaya biləcəksiniz, bundan sonra makler və ya kirayə verənə şəxsi məlumat, əlaqə məlumatları təqdim etməli və gözləməlisiniz — namizədliyiniz uyğun olarsa, sizə telefon və ya elektron poçt vasitəsilə məlumat veriləcək və mənzil kirayəsi müqaviləsi bağlaya bilərsiniz.
Ancaq ehtimalların o qədər də yüksək olmadığını unutmayın. Almaniyanın böyük şəhərlərində yaxşı mənzillərə tələbat inanılmaz böyükdür. Və ola bilər ki, bəyəndiyiniz mənzilə sizdən başqa 50-100 nəfər namizəd olur. Daşınmaz əmlak agentinin tələb etdiyi bütün məlumatları təqdim edərək şansınızı artıra bilərsiniz. İş müqaviləsi (yaxşı olar ki,müddətsiz olsun), son üç ayda maaşınızın bank çıxarışlarını əlavə edərək, Schufa (müştərinin kredit etibarlılığı sertifikatı) ərizəsini üç aydan çox olmayaraq hazırlamaqla şansınızı artıra bilərsiniz. Əlbəttə ki, bank hesabınızda üç aylıq icarə üçün pul (depozit) olduğuna əmin olmağı unutmayın— bu pul Kaution adlanır, ev sahibi ilə ortaq bir bank hesabına yatırılmalıdır.
Schufa sertifikatını necə pulsuz əldə etmək olar?
Almaniyada mənzil tapmaq üçün tətbiqlər və saytlar
Mənzil almaq şansınızı artıracaq optimal fəaliyyət alqoritmini müəyyənləşdirərək birbaşa axtarışa davam edə bilərsiniz. Ən asan və ən təsirli axtarış seçimlərindən biri xüsusi tətbiqlərdir.
Immobilienscout24. Bu gün Almaniyada mövcud olan ən böyük onlayn mənzil axtarış platformasıdır. Burada həm kirayə, həm də alış üçün bir mənzil tapa bilərsiniz. Bütün yüz minlərlə elanlara baxmaq lazım deyil, bilərəkdən sizə uyğun olmayan variantları kəsmək üçün filtrlərdən istifadə edə bilərsiniz. İstədiyiniz obyektin yerini, otaqların sayını, qiymətini təyin edin və ən yaxşısını seçin. Əgər sizə geniş mənzil lazımdırsa və uzun müddətdir axtarırsınızsa, illik premium hesab almaq məsləhət görürəm. Bu cəmi illik 120 avro – (aylıq 10 avro) məbləğindədir. Və bu sizin axtarış şansınızı 2 dəfə artırmış olacaq.
Immowelt. Funksional olaraq Immobilienscout24-ə bənzəyir, lakin burada elanların sayı daha azdır. Ancaq bəzən burada Immobilienscout24-də olmayan təkliflər görünür, buna görə də bu tətbiqi də yoxlamağı məsləhət görürəm, bəlkə də burada tezliklə özünüzə uyğun bir mənzil tapacaqsınız.
Immonet. Immonet kirayə və alış mənzilləri də daxil olmaqla geniş əmlak elanları təklif edir. Xüsusilə böyük şəhərlərdə məşhurdur.
WG-gesucht. Kirayə otaqlar təklif edən ümumi mənzilləri tapmaq üçün ən yaxşı tətbiq hesab olunur. Bir qayda olaraq, bu cür otaqlar tələbələr tərəfindən kirayə olunur və onlar tərəfindən də icarəyə verilir. Adətən burada yerləşdirilən mənzillər 2-3 otaqlı olur və tələbələr tərəfindən ortaq kirayələnir. Beləliklə mənzilin ümumi kirayə dəyəri tələbələr arasında bölünür. Büdcənizə qənaət etməklə yanaşı, bu seçimin üstünlükləri Almaniyanın universitet şəhərlərində yaşamağın ilk günlərindən sözün əsl mənasında dostluq etmək imkanıdır.
Ebay-Kleinanzeigen. Bu, Almaniyanın ən böyük onlayn elan portalıdır. Burada adətən özəl kirayəçilər mənzillərinin elanlarını yerləşdirirlər. Özünüz də bir mənzil tapmaq üçün bir elan yerləşdirə bilərsiniz.
Müvəqqəti və yaxud qısamüddətli yaşayış üçün mənzillər
Almaniyanın böyük şəhərlərində, xüsusən Berlində məhdud bir müddət üçün mebelli bir mənzil icarəyə götürmək istəyirsinizsə, axtarışları Wunderflats, Spotahome, Airbnb, TheHomelike, Nestpick, Zeitwohnen, Crocodilian (yalnız Berlində) tətbiqetmələri vasitəsilə aparmaq daha yaxşıdır. Qeyd edək ki, böyük şəhərlərdə mebelli mənzillər adi mənzillərdən daha bahalıdır. Ancaq Almaniyanın böyük şəhərlərində qalmağın ilk ayları üçün, xüsusən də başqa bir şəhərdən və ya ölkədən onlayn axtarış aparırsınızsa bu seçimi tövsiyyə edirəm. Almaniyada uzun müddət yaxşı bir mənzil tapmaq üçün mütləq şəxsən baxışlara gəlməlisiniz, bu o deməkdir ki, axtarış zamanı Almaniyada olmalı və bir yerdə yaşamalısınız. Və bu baxımdan mebelli mənzillər əla seçimdir — bu evinizi axtararkən yaxşı bir başlanğıcdır. Əlinizdə kirayə müqaviləsi olmadan və ya yuxarıdakı platformalar vasitəsilə elektron formada müqavilə bağlamayana qədər heç vaxt başqa bir bank hesabına əvvəlcədən ödəniş etməyin.
Sosial şəbəkədə axtarış
Almaniyada mənzil tapmaq üçün platformalardan əlavə olaraq sosial şəbəkələrin imkanlarından da istifadə edə bilərsiniz. Məsələn, Facebook-da açar sözlərlə asanlıqla tapa biləcəyiniz bir çox tematik qrup var. Aşağıda Berlinin bəzi qrupları var:
Жилье, недвижимость в Берлине, WG-Zimmer, Student and room apartments, Berliner Wohnungsböre, Flats in Berlin. Uyğun qrupları tapın, onlara qoşulun və hər gün otaq və ya mənzil kirayə verənlərdən bir çox yazı oxuya bilərsiniz. Axtarışınızı sürətləndirmək və tezliklə uyğun bir şey tapmaq şansınızı artırmaq üçün bu qruplara axtardığınız otaq və ya mənzil üçün tələbləri, habelə özünüz haqqında məlumatları təsvir edən bir yazı göndərə bilərsiniz. Bunlar Berlin üçün misallardır, amma istənilən şəhərlər üçün bu tipli qruplar tapmaq mümkündür.
Teleqramdakı qruplar mənzil tapmaq üçün başqa bir yoldur. Bu messencerdə Facebook-da tematik qruplara dəvət ala biləcəyiniz bir neçə aktiv qruplar var.
Tələbələr üçün
Başqa bir alternativ var — yataqxanalarda mənzil tapmaq. Adətən yataqxanaların müraciət edə biləcəyiniz öz saytları var. Bəzi yataqxanalar yalnız tələbələr üçündür, digərlərində isə demək olar ki, hər kəs yaşaya bilər. Ancaq burada da müəyyən çətinliklər sizi gözləyə bilər: Birincisi, çox sayda namizədlərin olmasına görə otaqların sayı məhduddur, ikincisi, bir otaq almaq üçün yalnız yataqxananın sahibi/rəhbərliyi ilə razılaşmaq deyil, həm də potensial otaq yoldaşlarını inandırmaq vacibdir, buna görə müsahibəyə mümkün qədər ciddi hazırlaşmaq lazımdır.
Schlahtensee və Adlershof yaxınlığındakı tələbə yataqxanaları.
Yataqxananın yaxınlığında Şlaxtensee gölü yerləşir. Bu göl yaz-yaz aylarında təbiət və balıq ovu həvəskarlarını ətrafına toplayır. Adı çəkilən göl Berlin ətrafındakı ən populyar yerlərdən biri olduğundan, burada qayığlara minməyi sevənləri tapa bilərsiniz. Yataqxananın yaxınlığında ALDİ və EDEKA markalı supermarketlər yerləşir. Schlachtensee yaxınlığındakı tələbə yataqxanası Berlin sərbəst Universitetindəki tələbələr üçün əlverişli olacaq və Humboldt Universitetinin təbiət elmlər istiqamətində təhsil alan tələbələri üçün Adlershofda mənzil kirayələmək məsləhətdir.
Alternativ bir seçim Studentenwerk vasitəsi ilə ola bilər. Siz bu platformada qeydiyyatdan keçib ərizənizi təqdim etməlisiniz. Mütamadi olaraq sizin elektron poçtunuza ərizənizlə bağlı bildiriş məktubu gələcək. Həmin məktubu açmaq məsləhət edilir. Belə ki, hesab fəal olmadıqda sizin ərizəniz silinir.
Berlin tələbələri aşağıdakı yataqxanalara da müraciət edə bilərlər:
Almaniyanın özəl daşınmaz əmlak şirkətləri
Almaniyada mənzil axtararkən başqa nələri bilmək vacibdir
Mən artıq demişəm ki, Almaniyada yaxşı bir mənzilə onlarla insan namizəd ola bilər. Buna görə şansınızı artırmaq üçün bütün imkanlardan istifadə etməlisiniz. Məsələn, görüş təyin etdikdən sonra potensial ev sahibi ilə effektiv ünsiyyəti təmin etmək vacibdir. Unutmayın ki, bir çox ev sahibləri ingilis dilini bilmədikləri üçün alman dilində ünsiyyət qurmağı üstün tuturlar — bu vəziyyətdə görüş zamanı tərcüməçi tapmaq məntiqlidir.
Nəhayət, icarə müqaviləsini imzalamadan əvvəl diqqətlə oxuyun. Ümumiyyətlə, müqavilədə mənzilin təhvil verilməsi şərtləri, eləcə də burada olan bütün mebel və avadanlıqlar, bütün mövcud zərərlər göstərilir. Bəzən müqavilə bağlayarkən və ya mənzildən çıxarkən kirayəçi onu rəngləməlidir, əvvəlcədən bilmək daha yaxşı olan digər qəribə tələblər də ola bilər.
Almaniyanın böyük şəhərlərində yaxşı bir mənzil tapmaq asan deyil. Ancaq yuxarıda göstərilən qaydalara əməl etsəniz, bu işdə uğur qazanma şansınız əhəmiyyətli dərəcədə artacaqdır.
Teilen mit / Поделитесь
- Нажмите, чтобы открыть на Facebook (Открывается в новом окне)
- Нажмите, чтобы поделиться в Telegram (Открывается в новом окне)
- Нажмите, чтобы поделиться в WhatsApp (Открывается в новом окне)
- Нажмите, чтобы поделиться на Twitter (Открывается в новом окне)
- Нажмите, чтобы поделиться на Reddit (Открывается в новом окне)
- Нажмите, чтобы поделиться записями на Pocket (Открывается в новом окне)
- Послать ссылку другу по электронной почте (Открывается в новом окне)
- Нажмите для печати (Открывается в новом окне)
- Ещё
Об авторе
Дорогие читатели, мой блог в основном о жизни в Германии. Я очень рассчитываю на то, что информация в моем блоге помогает вам. Решили поблагодарить меня и помочь в развитии моего блога? Подписывайтесь на меня в соц. сети. Делитесь ссылками с теми, для кого представленная в блоге информация может быть полезной, комментируйте и ставьте лайки :).